Elkarbizitza arauak

Arau orokorrak

Ez etortzeak

• Aldez aurretik umea klasera ez dela etorriko dakigunean:
  • Ikastola aldez aurretik jakinean ipiniko da Alexia bidez.
• Aurreikus ezin daitekeen azken uneko egoera batengatik umea klasera ezin denean etorri: 
  • Tutoreri jakinaraziko zaio email bidez edo Ikastolara deituz. Alexia bidez ere egin ahal izango da.

Osasunari buruzko arauak

• Umeari Ikastola orduetan botikaren bat eman behar badiogu, medikuaren errezeta eta gurasoen sinadura beharko ditugu.
• Mesedez ez ekarri umea Ikastolara ondorengo sintomaren bat duenean:
  • Sukarra
  • Gonbitoak
  • Beherakoak
• Horrela umearen osasuna eta beste ikaskide guztiena zaindu eta bermatuko dugu.
• Umeari Ikastola orduetan sintoma hauek edo besteren bat antzematen bazaio:
  • Irakasleak jakinaren gainean jarriko ditu gurasoak.
  • Gurasoak berehala umearen bila etorri beharko dira Ikastolara.
• Bestelako gomendio batzuk:
  • Umearen eguneroko garbitasun pertsonala errespetatu.
  • Jantziak sarri aldatu.
  • Astero azazkalak moztu, bai garbitasunagatik bai eta zauriak saihesteko.
  • Zorriak dauden begiratzeko ohitura hartu, eta hala balitz irakasleari jakinarazi.

Jantokiko arauak

• Ikastolan bazkaldu eta eguerdian eskolaz kanpoko edozein jardueratara joan nahi duenak, bere mailari dagokion ordutegia errespetatu beharko du.
• Jantokiko ekarpenak txangoaren menua barne hartzen du (ogitartekoa, fruta,…). 
• Ikasturte guztian zehar ekarpen berbera mantenduko da, aldaketarako pisuzko arrazoirik ezean.
• Uztailean jantokia erabiltzen bada, ekarpen gehigarria izango du.
• Astean 5 egunetan geratzen direnei, hilabetean 5 egun edo gehiagotan huts eginez gero, egun horien itzulketa egingo zaie hurrengo hilabetean.
• Astean 3 egunetan geratzen direnei, hilabetean 3 egun edo gehiagotan huts eginez gero, egun horien itzulketa egingo zaie hurrengo hilabetean.
• Arratsaldeko klaseak 14:30etan hasten dira.